کۅکُر چھُ ونان ۔ سبق نمبر 12 ۔ کٲشُر ٲٹھِم ۔ سوال تہٕ جواب

ٲٹھمہِ جمٲژ خٲطرٕ سوال تہٕ جواب

سبق نمبر 12 :  کۅکُر چھُ ونان

مشق:

1۔ لفٕظ تہٕ معنی

لفٕظ                :            معنی

مالہٕ پھۅلنہِ     :    گاش پھۅلُن

لتھ دِنۍ  :  دٲرِتھ دِینٛ

نۅکتہٕ   :   أوِج کتھ

نیٖرۍ دانٛد   :   دانٛد یُس نیرِس منٛز اآسہِ

واد   :   نکار

2.  جواب لیکھو:

س1۔  سُلہِ صُبحٲے کیا چھُ کۅکُر لوٗکن ونان؟

جواب۔  سُلہِ صُبحٲے چھُ کۅکُر لوٗکن ونان زِ غفلتس دِیو لتھ تہٕ گژھِو بیدار۔

س2۔   کۅکُر کِتھٕ پٲٹھۍ چھُ گژھان کورٮ۪ن وٲرِو سٍتۍ؟

جواب۔   کۅکُر چھُ مٲرِتھ ۔ رٔنِتھ۔ دیٖگچس منٛز کورٮ۪ن وٲرِو سٍتۍ گژھان۔

س3۔    کۅکُر کیازِ چھُ مٲلِکنہِ ژھاین تہٕ گرٛاین وُچھان؟

جواب۔   کۅکُر چھُ پنہٕ نہِ نفسہٕ خٲطرٕ مٲلِکنہِ ژھاین تہٕ گرٛاین وُچھان۔

3.  نظم پٔرِتھ لیٖکھِو پنہٕ نٮ۪ن لفظن منٛز کۅکُر کیا چھُ ونان۔

        "  کۅکُر  " نظم چھُ ایٗوب صٲبِر صٲبن اکھ زیوٗٹھ مزاحیہ نظم۔ دۅہلہِ چھِ سٲرِی خوفہٕ ورٲے اسان ، گِندان تہٕ راتھ یِتھٕے چھُ سارِنٕے خوف پٮ۪وان توٛتام یوتام کۅکُر بانٛگ چھُ دِوان۔ کۅکُر چھُ ونان زِ غفلت ترٛٲوِو تہٕ ہُو شیار گٔژھِو۔ کۅکرن چھُ نہٕ زانہہ کانہہ مٲیوٗس کوٚرمُت۔ شرٛاکہِ تل رٹہٕ نس تہِ چھُ  نہٕ سہُ اِنکار کرن۔ سہُ چھُ کورٮ۪ن دیٖگچس منٛز وٲرِو سٍتۍ یوان سوزنہٕ۔ سٲرۍ سےٕ دُنیاہس منٛز چھِ تٔمۍ سٕنٛدِس مازس مازس رٕژٕ رٕژٕ نعمژٕ بناونہٕ یوان۔ سہُ چھُ پٔژھۍ سٕنٛدِ خٲطرٕ  ۔  پیٖر صٲبِنہِ خٲطرٕ  ۔  افسر سٕنٛدِ خٲطرٕ مارنہٕ یِوان۔ تٔمۍ سُنٛد شوٚربہٕ چھُ  دادٮ۪ن دوا۔  أمِس کۅکرس تہِ چھُ خدا صٲبن پنُن نفٕس تھوومُت۔ امی نفسہٕ خٲطرٕ چھُ مٲلِکِنہِ ژھاین تہٕ گرٛاین آسان وُچھان۔

4۔  یِمن مِصرعن کٔرِو وٮ۪ژھنےَ۔

1۔ نۅشن وٲرِوۍ چھِ میانے سٍتۍ رٲضی

جواب۔  یعنی نۅشن ہٕنٛدۍ وٲرِوۍ چھِ تٮ۪لی رٲضۍ گژھان ییلہِ مٲرِتھ کۅکُر دیٖگچس منٛز سٍتۍ آسہِ۔

2.  کلُک خٲراتھ بےٕ چھُس نیٖرۍ دانٛدس۔

جواب۔  یعنی نیٖرۍ دانٛد چھُ نیٖرِ پٮ۪ٹھ تٮ۪لی صحیح سلامت واپس یون ییلہِ تٔمِس کۅکُر خٲراتھ چھُ یون کرنہٕ۔

3.  اوے چھُکھ پرٛون تصرُف دار نیران۔

جواب۔  یعنی یِمن تصرُف گومُت چھُ آسان تِمن تہِ چھُ کۅکُر خٲراتھ کرنہٕ سٍتۍ پرٛون تصرُف دار نیران۔

4.  نِوان چھِم عش مُقام تتہِ لول کاسان۔

جواب۔  یعنی پنُن لول کاسنہٕ خاطرٕ چھُ عش مُقام تہِ نِنہٕ یوان۔